Acerca de ollandonos

Somos o blogue do departamento de dinamización e normalización lingüística. Pero somos máis ca iso.

Visita Inés Pereiro, X.M. Pereiro e Manuel Rivas

No IES Daviña Rey tivemos o gran privilexio de contar con tres grandes persoeiros, Inés Pereiro, X.M. Pereiro e Manolo Rivas, que nos brindaron a oportunidade de coñecer un pouco máis a vida de Lois Pereiro e transmitíronnos a importancia dos pequenos detalles.

Dende un primeiro momento, amosaron o grande agarimo e respecto que lle tiñan a Lois. A través das historias e dos poemas que nos contaron e leron, puidemos ver a meneira de Lois de escribir e sentir.

Se foi un día emotivo para os que non coñeciamos a Lois, supoño que moito máis para a súa nai e o seu irmán presentes no acto. Respecto a Inés, dicir que se trata dunha persoa entrañable que adicou a súa vida ao ensino, polo que seguramente influiu no seu fillo.
Manolo Rivas, tratándose dun dos escritores máis relevantes da nosa terra, supón un orgullo a súa visita ao noso centro e moito máis o detalle de deixarnos un pequeno anaco de toxo (a súa flor favorita) ao final do salón de actos, enriba dunha cadeira, e sen que ninguén tivera constancia ata que o atopamos.

Rematar dicindo que a curta vida de Lois impediu desenvolver o que sería a súa grande obra, aínda que un escritor non ten sona por escribir moitos libros senón pola súa calidade.

Susana Costa Otero 1º Bac A

DSC_0006 DSC_0043 DSC_0052 DSC_0060 DSC_0065

Advertisements

Francisco Castro no Daviña

O escritor vigués Francisco Castro acompañounos no Daviña para falar sobre a súa novela “O corazón de Branca de Neve”.

CAM01427 As nosas alumnas de 4º da ESO, Mimí e Laura, deleitáronnos con un rap.
Deixamos aquí a letra composta por Mimí e inspirada na novela.

Un inspector especial
vainos a axudar
unha bebé desaparecida
Leila cura a túa ferida.

Hermida, busca a nena
busca, a quen a teña.
Sonia, ven e axuda
faille caso ás túas pescudas.

Losada, mal policía
corrupto, noite e día.
Hermida, deteno
lévao ao inferno.

Leila, recuperarás a túa filla
tan só confía en Hermida.
Losada, ó cárcere vas,
diso ninguén te salvará.

Buscamos Logotipo para o Equipo de Dinamización e Normalización Lingüística

  1. Poderá participar todo o alumnado do IES Daviña Rey.
  2. O deseño deberá ser dunha soa cor e un tamaño máximo de 14 x 10 cm.
  3. O prazo de presentación acabará o día 1 de decembro de 2014.
  4. O debuxo gañador adaptarase para realizar unha peza en 3D.
  5. O gañador/a recibirá un vale de 50 euros para gastar na Libraría Pelayo.

diseno

I Certame de Divulgación Mulleres de Lemos

O Colectivo Lemos Le convoca esta primeira edición do Certame de Divulgación Mulleres de Lemos coa finalidade de dar a coñecer e promover as figuras femininas relevantes ha historia das Terras de Lemos. Cada ano escollerase a figura dunha muller que fora relevante na historia das Terras de Lemos, que nacera, vivira ou morrera na comarca, ou cuxa vida estivera moi relacionada con ela. Intentarase que cada convocatoria sexa adicada a unha muller dunha localidade diferente.

O certame deste ano versará sobre a figura de Inés de Castro, establécendose dúas modalidades: a) Banda deseñada para participantes de 12 a 18 anos b)Traballo de divulgación en calquera xénero literario para participantes a partir de 18 anos.

cartel_inesdecastro_peq

Como se fixo “Sintel” (e II)

Como prometemos nun artigo anterior, imos explicarvos un pouco como fixemos para realizar a dobraxe ao galego da curtametraxe de animación “Sintel”, empregando software libre (ou de código aberto, como prefirades chamarlle). Nese artigo, resaltabamos que o propio proxecto nos facilitou moito as cousas ao poder atopar na páxina web do mesmo materiais cos que traballar.

Seguir lendo

O Parlamento dará luz verde hoxe á ILP “Valentin Paz Andrade”

O Parlamento Galego aprobará hoxe a Iniciativa Lexislativa Popular coñecida polo nome do poeta, avogado e empresario Valentin Paz Andrade, homenaxeado no Dia das Letras Galegas do ano 2012. Esta iniciativa visa unha maior presenza da lingua portuguesa no ensino así como unha maior participación das institucións galegas nos foros lusófonos culturais, económicos e deportivos.

Seguir lendo

Como se fixo “Sintel” (I)

Durante o curso pasado, desde a equipa de dinamización lingüística do Daviña promovemos unha actividade que consistiu en facer a dobraxe dunha curtametraxe, cuxa versión orixinal fora feita en inglés, ao galego. O actividade en si parecía complexa, mais finalmente foi máis doada de facer do que de primeiras puidera parecer, por iso imos explicar un pouco por riba o procedimento que seguimos.

Seguir lendo

Elaboran o “Tesouro do léxico patrimonial galego e portugués”

O “Tesouro do léxico patrimonial galego e portugués” é un proxecto que se inicia no ano 2009 por iniciativa do Instituto da Lingua Galega (ILG), da Universidade de Santiago de compostela, no ano 2009. Posteriormente fóronse engadindo máis universidades de Galiza, Portugal e Brasil ao proxecto, até chegar ás 20 que actualmente colaboran nel.

Trátase dunha base de datos léxica, que permite consultar información contida en traballos de léxico dialectal galego-portugués nas súas distintas variantes. Pódese consultar na seguinte ligazón.

Para máis información:

http://www.galiciaconfidencial.com/nova/17782.html

http://www.culturagalega.org/noticia.php?id=18808

http://www.elcorreogallego.es/tendencias/ecg/xa-na-rede-tesouro-do-lexico-patrimonial-galego-portugues/idEdicion-2014-02-21/idNoticia-854128/

http://www.lavozdegalicia.es/noticia/ocioycultura/2014/02/21/estudan-lexico-patrimonial-galicia-portugal-brasil/0003_201402G21P39992.htm?idioma=galego