Esta galería contén 22 fotos.
A visita que realizamos o pasado 15 de novembro á Terra Chá lucense achegounos, ademais de á Fundación Manuel María, ao Castro de Viladonga e a o proxecto Vida de Aldea. O Castro de Viladonga é un verdadeiro modelo formal … Seguir lendo
O pasado día 15 de novembro o alumado de 2º, 3º e 4º da ESO realizaron, acompañados dos seus profesores, unha visita á Fundación 
Manuel María, na casa natal do poeta en Outeiro de Rei.
A Fundación Manuel María de Estudos Galegos foi constituída en marzo de 2007 e declarada de interese galego mediante a Orde da Consellaría de Cultura e Deporte de 11 de xuño dese mesmo ano.
A súa finalidade central e manter o legado e a memoria de Manuel María e, de xeito máis específico e inmediato dispor dun espazo físico onde se dea acollida á biblioteca, manuscritos, obxectos persoais ou calquera outro feito relacionado co poeta e que sirva, ademais, como lugar de referencia para dar a coñecer a súa obra e figura entre o pobo galego. Para iso foi adquirida a súa casa natal en Outeiro de Rei e realizáronse nela obras de remodelación para convertela en Casa Museo Manuel María. Foi inaugurada o día 7 de setembro de 2013.
Velaquí algunhas fotos.
O prestixioso M.I.T., unha das máis importantes institucións educativas e de investigación ven de recoñecer á empresa Cilenis, ben coñecida entre nós, cunha mención de honra neste pasado fin de semana en Lisboa. Podedes ver a noticia aquí. Desde o Daviña enviámoslle os nosos parabéns por este gran suceso.
Acompañounos nesta ocasión Xosé Luís Ansemil Moreira, Coordinador provincial dos equipos de dinamización da lingua galega de Lugo. Xunto co café poidemos degustar unhas estupendas castañas asadas, xa que cadrou coa celebración do Magosto no centro. Charlamos sobre as actividades realizadas no curso anterior e tamén sobre algúns dos proxectos que pensamos desenvolver neste. Trasladounos o seu apoio e ofreceuse a colaborar con nos nalgunha das actividades. Dende ollándonos querémoslle agradecer a visita e a súa animada conversa.
“Somos a curta” é un certame organizado pola “Comisión de Normalización Lingüística da Facultade de Ciencias da Comunicación” que ten por obxecto ” premiar a mellor peza audiovisual curta de comedia en galego presentada por calquera alumno ou grupo de alumnos das universidades galegas, das titulacións impartidas nas escolas oficiais de Imaxe e Son ou da titulación de bacharelato artístico de calquera dos institutos de educación secundaria de Galicia”.
ollandonos 